Zhdukja e biznesmenit në Pukë, mediat italiane: Mund të jetë grabitur dhe vrarë..

Detaje të reja kanë dalë në mediat italiane për zhdukjen e ish-arbitrit Davide Pecorelli në Shqipëri. Orët në vijim do të jenë vendimtare për zbardhjen e asaj çfarë ka ndodhur me Pecorellin, pasi takimet mes policisë italiane dhe asaj shqiptare prioritet të përcaktojnë rezultatin e AND-së së eshtrave të gjetura në makinën të marrë me qira nga 45-vjeçari.

La Nazione në artikullin e saj bën me dije se ekziston mundësia që ai të jetë grabitur dhe vrarë në zonën e Gjegjanit në Pukë. Gazeta italiane shkruan se italiani mund të jetë grabitur dhe vrarë. Kjo për shkak të disa lëvizjeve të dyshimta në zonën e Gjegjanit.

Prokuroria italiane ka nisur hetimet për vrasje. Një grup ekspertësh- të koordinuar nga Interpoli, do vijnë në Shqipëri për të vazhduar hetimin. Biznesmeni italian, i cili kishte pasur vështirësi financiare në vendin e tij, kishte ardhur në Shqipëri me shpresën për të zgjeruar biznesin. Ai po negocionte shitjen e disa pajisjeve për sallone bukurie, mes tyre edhe makineri të shtrenjta lazeri.