Zhupa: Gjykata Kushtetuese do të shqyrtojë padinë e PD për “Butrintin”

Gjykata Kushtetuese ka pranuar padinë e Partisë Demokratike për koncensionin e Parkut Kombëtar të Butrintit. Lajmin e bën të ditur deputetja demokrate Ina Zhupa.

“Viti nis mbarë me një lajm të mirë për Butrintin. Padia pranohet nga Gjykata Kushtetuese, e cila fton të gjitha palët të çojnë argumente dhe prova brenda datës 27 janar 2023.

Më pas do të zhvillohet seancë publike! Gjykata Kushtetuese do rrijë në lartësinë e emrit dhe pozicionit që ka”, shkruan Zhupa në një postim në rrjetin social “Facebook”.

Tashmë Kushtetuesja i ka ftuar të gjitha palët që të sjellin argumente dhe prova brenda datës 27 Janar 2023. Me pas do zhvillohet edhe seance publike.