Zjarr i përmasave të mëdha, pema bie mbi telat e korentit

Një zjarr i përmasave të mëdha ka rënë sot në zonën e Levanit, në Fier.

Ngjarja ka ndodhur rreth orës 16:00, dhe ende nuk janë shuar flakët.

Shkak është bërë rënia e një peme në telat e korentit, duke bërë që zjarri të përhapet më pas me shpejtësi.

Era e fortë ka favorizuar flakët të cilat vijojnë të jenë prezente.

Nje siperfaqe kodre e mbjelle kryesisht me ullinj është duke u përpirë nga flakët, të cilat po përhapen.

Terreni i vështirë e pamundëson ndërhyrjen e zjarrfikësve.