Zjarr masiv në një magazinë në Zharrëz, rrezikohet fabrika

Një zjarr masiv ka shkrumbuar një magazinë në Zharrëz të Patosit gjatë paradites së sotme.

Magazina është djegur plotësisht me të gjitha materialet që kishte brenda, ndërsa rrezikohet nga flakët edhe një fabrikë që ndodhet afër saj.

Në vendngjarje kanë mbërritur forcat e zjarrfikëses nga Patosi dhe Fieri të cilët po përpiqen të neutralizojnë flakët. Paraprakisht dyshohet se zjarri është i qëllimshëm.