Zjarri përpin hotelin 63-katësh në Dubai

Një zjarr i fuqishëm përfshiu një hotel 63-katësh në Dubai, shumë pranë vendit ku do festohet Viti i Ri.

Hoteli Adress Downtown është 63-katësh, ndërkohë që ende nuk dihet se çfarë e ka shkaktur zjarrin.

Hoteli ndodhet pranë Burj Khalifa, godinës më të lartë në planet.

Turmës, që ishte mbledhur për të parë fishekzjarret për Vitin e Ri, iu kërkua të largohen.

Zjarri ka përfshirë një pjesë të mirë të hotelit me pesë yje.

Qeveria e Dubait lajmëroi se zjarri ka nisur në katin e 20-të.

Një dëshmitare i tha mediave se stafi policor ishte eficent në evakuimin e njerëzve. “Na lëvizën me qetësi dhe shpejtësi”, tha ajo.

Gruaja po darkonte me familjen rreth orës 9.30 kur pa një flakë të ngrihej në ajër.