Zv.ministri i Brendshëm: Grupi i Shkodrës u godit nga autoritetet shqiptare

Zëvendës ministri i Brendshëm, Besfort Lamallari ka zbuluar detaje për operacionin ‘Oaz’, ku u arrestuan 11 persona si pjesë e një bande kriminale, pjesë e së cilës ishte edhe Safet Bajri, i njohur si i ‘forti’ i Shkodrës. Zv.minsitri tha në për “News24”se operacioni është tërësisht meritë e autoriteteve shqiptare, konkretisht Policisë dhe Prokurorisë.

Ai tha se hetimet për ketë grup kanë nisur që prej 6 muajsh dhe ka pasur bashkëpunim me Holandën për identifikimin e  pjesëtarëve të grupit.

Sa i përket Enver Bajrit i cili është në kërkim dhe nëse ka pasur dekonspirim në operacion, Besfort Lamallari u shpreh se hetimet vijojnë dhe do arrestohet edhe ai. Ndërsa për ish portierin e Vllaznisë Armir Grima, zv.ministri tha se ai nuk ishte viktimë, pasi trukonte ndeshjet.