Zyrtare/ Dr. Flori vdiq nga një mbidozë droge. Mosdhënia e ndihmës së shpejte mund të ketë ndihmuar në vdekjen e ti
Me anë të një komunikate të lëshuar një ditë më parë, policia konfirmon atë që ishte thënë paraprakisht nga ana e mjekëve.
“Më datë 17 nëntor 2014, rreth orës 11:00, në Morgun e Tiranës është dërguar i vdekur shtetasi F. K., 35 vjeç, banues në Tiranë.
Nga veprimet e kryera rezulton se shkaku i vdekjes është përdorimi gjatë natës e një mbidoze lënde narkotike.
Materialet i kaluan prokurorisë”, thuhet në njoftimin e Policisë.
Policia e Tiranës ndërkohë bën me dije se ka nisur procedim penal në gjendje të lirë edhe në ngarkim të një infermieri të Urgjencës së Tiranës, i cili akuzohet se nuk ka marrë masa për dërgimin e ambulancës bashkë me ekipin mjekësor për t’i dhënë ndihmë Doktor Florit.
Sipas policisë, dyshohet se mosdhënia e ndihmës në kohën e duhur mund të ketë ndihmuar në vdekjen e tij.