BE-ja distancohet përsëri nga Orbani, pas pjesëmarrjes së tij në samitin e vendeve turkfolëse
Kryeministri i Hungarisë, Viktor Orban, është qortuar përsëri nga shefi i Bashkimit Evropian (BE) për politikë të jashtme, Josep Borrell, pasi mori pjesë të shtunën në një takim të Organizatës së Vendeve Turkfolëse (OTS) në Azerbajxhan.
Ditë më parë, Brukseli, vendet e BE-së, Shtetet e Bashkuara dhe Kievi e kritikuan Orbanin, pas vizitës së tij në Moskë, ku u takua me presidentin rus, Vladimir Putin, të premten.
Orbani e takoi Putinin një kohë kur Hungaria mban kryesimin me rotacion gjashtëmujor të presidencës së Këshillit të BE-së.
Zyrtarët e BE-së e kritikuan ashpër vizitën e tij befasuese, duke thënë se ajo kërcënon ta minojë qëndrimin e BE-së për luftën në Ukrainë dhe thanë se Orbani nuk shkoi atje si përfaqësues i Brukselit.
Pjesëmarrja e Orbanit në samitin joformal të OTS-së në Azerbajxhan të shtunën ishte një ngjarje tjetër ku ai e përfaqësoi Hungarinë dhe jo Bashkimin Evropian, tha Borrell.
“Hungaria nuk ka marrë mandat nga Këshilli i BE-së për t’i shtyrë përpara marrëdhëniet me Organizatën e Shteteve Turkfolëse”, tha Borrell në një komunikatë.
Orbani është fjalosur me Brukselin për vizitat e tij kundërthënëse.
“A nuk lejohemi të kemi darkë, apo kemi nevojë për një mandat të EUCO [Këshillit të BE-së] edhe këtë këtë?” shkroi drejtori i tij politik në X, pas vizitës në Moskë.
BE-ja i ka kundërshtuar përpjekjet e OTS-së për ta legjitimuar Republikën Turke të Qipros Veriore duke e pranuar si anëtare vëzhguese, tha Borrell.
Ishulli i Qipros është i ndarë tash e shumë dekada mes Republikës së Qipros grekfolëse, e njohur ndërkombëtarisht, e cila është edhe anëtare e BE-së, dhe Republikës Turke të Qipros Veriore turkfolëse, e njohur vetëm nga Ankaraja.
OTS-ja është organizatë ndërkombëtare që sjell së bashku vendet ku flitet turqishtja. Ajo u themelua më 2009 nga Turqia, Azerbajxhani, Kazakistani dhe Kirgistani.
Hungaria u bë anëtare vëzhguese e saj në vitin 2018.
<blockquote class=”twitter-tweet”>
<p dir=”ltr” lang=”en”>.<a href=”https://twitter.com/PM_ViktorOrban?ref_src=twsrc%5Etfw”>@PM_ViktorOrban</a> didn’t received mandate from the <a href=”https://twitter.com/hashtag/EUCO?src=hash&ref_src=twsrc%5Etfw”>#EUCO</a> to represent it at the summit of the Organisation of Turkic States.</p>
The EU rejects attempts to legitimise the Turkish Cypriot secessionist entity & recognises only the Republic of Cyprus. <a href=”https://t.co/vhTfO3IoVe”>https://t.co/vhTfO3IoVe</a>
— Josep Borrell Fontelles (@JosepBorrellF) <a href=”https://twitter.com/JosepBorrellF/status/1809670797188850102?ref_src=twsrc%5Etfw”>July 6, 2024</a></blockquote>
<script async src=”https://platform.twitter.com/widgets.js” charset=”utf-8″></script>
