1 vit luftë, Medvedev nxit konflikte: Ta shtyjmë kufirin deri në Poloni

Rusia provokon në 1 vjetorin e luftës që ajo po bën në Ukrainë, madje shumë dhe frikshëm. Ish-presidenti rus, Dmitry Medvedev thotë se e vetmja mënyrë që Moska të sigurojë përfundimisht një paqe të qëndrueshme me Ukrainën, është të shtyjë kufirin e saj sa më shumë që të jetë e mundur.

“Ne do të arrijmë fitoren. Qëllimi është të shtyjmë kufirin që kërcënon vendin sa më shumë që të jetë e mundur, edhe nëse është kufiri i Polonisë.

Motivi i armiqve kryesorë të Moskës është të dobësojnë vendin sa më shumë që të jetë e mundur, kështu që ata nuk janë të interesuar për t’i dhënë fund konfliktit, por herët a vonë Perëndimi do të negociojë për Ukrainën”, shkruan Medved.