2 ilaçet që po përdor Britania/Mikrobiologia shqiptare: Jo të aprovuara por…

Çdo shtet ndjek protokollet e vendosura nga OBSH-ja por trajtimin e të prekurëve me Covid-19 e bëjnë sipas mënyrës së tyre. Detina Zalli, mikrobiologe dhe njëkohësisht pedagoge senior në Universitetin e Oksfordit, në një lidhje për “Euronews”, tha se dy mendikamentet që po përdoren aktualisht në Britaninë e Madhe për të trajtuar të sëmurët me COVID-19 janë hidrololina, medikamenti që përdoret për trajtimin e malarjes dhe azitromicina, një antibiotik që kuron bakteriet.

Ilaçet nuk janë të aprovuara por për të në situatën kur njohuritë rreth këtij virusit nuk janë të duhurat, është e vetmja mënyrë për të dalë nga situata. Sipas saj, izolimi në Britaninë e Madhe pritet të zgjasë të paktën 3 muaj, pasi izolimi është e vetmja armë që kemi kundër virusit.

Nga ana tjetër, Zalli u shpreh e keqardhur që publikut i jepet informacion i përzierë sa i përket përdorimit ose jo të maskave, ndërsa theksoi se përdorimi i tyre është i domosdoshëm. “Maskat janë të domosdoshme, studimet kanë treguar se ata që mbajnë janë në një rrezik 5 herë më të reduktuar. Kjo s’do të thotë se nuk do të kapesh nga virusi”