58-vjeçari Mike Tyson në ring pas 2 dekadash, dueli më i veçantë i boksit

Pritjes i ka ardhur fundi, të gjithë të apasionuarit pas boksit kanë mundësinë që këtë të premte të ndjekin duelin më të veçantë në historinë e këtij sporti, mes legjendës Mike Tyson dhe aktorit Jake Paul.

Më një diferencë moshe prej 31 vitesh më i ri, Paul i cili së fundmi është përfshirë në sportin e boksit, do të provojë të mposhtë një ndër emrat më të mëdhenj të këtij sporti, me 50 fitore në karrierë, ku 44 prej tyre janë fituar me KO.

Në anën tjetër, vetë i riu amerikan numëron 10 fitore në karrierë, me kundërshtarë jo të këtij niveli. Edhe pse i pensionuar dhe me përballjen e fundit që dallon në 2005-ën, Tyson ka vendosur të jetë pjesë e duelit, që do të mbahet në SHBA ku priten mbi 80 mijë të pranishëm.

Një ditë më parë është zhvilluar dhe konferenca zyrtare ku dhe janë peshuar të dy boksierët, ndërsa ka pasur dhe një shpullë që Tyson i ka dhënë kundërshtarit të tij.