6 turqve u erdhi një SMS 10 minuta para kasaphanës në Greqi: U zbulua…
10 minuta para krimit të rëndë, atyre u është dërguar një mesazh në celularin e tyre. Fjala është për kasaphanën me 6 turqit që u vranë në një atentat mafioz në Greqi. “Pozicioni yt është zbuluar, dil menjëherë nga shtëpia, do të të vrasin”. Siç pretendon gazeta turke Yeni Safak, 6 turqit në momentin e marrjes së SMS, kanë vendosur të largohen nga shtëpia të cilën e kishin marrë me qira në Lutsa, duke mos ditur se disa kilometra më poshtë do t’u zënë pritë.
Mediat turke publikuan emrat si edhe fotot e tyre. Sipas publikimit, emrat e tyre janë: Doruk Ersu Büyüktunç, Abdurrahman Tekrü, Ömer Kanza, Ozan Kaan Tozlu, Barış Çağan dhe Burak Tahmaz. Gazeta turke ka postuar një foto në Tik Tok ku shihen 6 personat e ekzekutuar, duke lënë edhe një mbishkrim “ne hakmerremi”.
Në celularët e 6 viktimave janë gjetur mesazhe të shkruara në gjuhën turke, ku policia po analizon përmbajtjen e tyre për të përcaktuar se me kë po bisedonin dhe nëse dikush i kishte njoftuar ata se ishin vënë në shënjestër të një organizate kriminale ku mendohet se mund të kenë qenë grupe rivale.
