6 vrasje në 5 javë, ”burrat që urrejnë gratë”

Gjashtë gra janë vrarë në vetëm pesë javët e fundit në Suedi, një seri ngjarjesh tragjike që kanë rikthyer edhe një herë në vëmendje të shoërisë atje, dhunën në familje, një fenomen i habitshëm për një nga vendet që zakonisht vlerësohet për barazinë gjinore.

Edhe pse nuk kanë shumë të ngjashmëri me vrasjet makabre të rrëfyera në librin e shkrimtarit suedez Stieg Larsson, “Burra që urrejnë gratë”, botuar në vitin 2005, duket se titulli u shkon për shtat këtyre historive.

Dy prej vrasjeve kanë ndodhur në mes të ditës: një në qendër të një qyteze në jug të vendit, tjetra në stacionin kryesor të trenave në Linkoping, një qytet studentor në jug të Stokholmit.

Në vitin 2020, në Suedi u raportuan 16461 raste të sulmeve ndaj grave nga persona të afërt, një rritje me 15,4% krahasuar me vitin 2019, sipas shifrave të Këshillit Kombëtar për Parandalimin e Krimeve.