A do të ketë armëpushim në nisjen e Ramazanit? Egjipti provon shansin e fundit

Egjipti është në kontakt me zyrtarë të Hamasit dhe izraelitë, si dhe me ndërmjetës të tjerë sot në një përpjekje për të rifilluar negociatat për një armëpushim në Rripin e Gazës gjatë muajit të shenjtë mysliman të Ramazanit, i cili fillon të hënën ose të martën. Kështu konfirmojnë dy burime nga shërbimet egjiptiane të sigurisë.

Kontaktet e Egjiptit me Hamasin dhe agjencinë e inteligjencës izraelite Mossad u mbajtën sot pas një autorizimi nga presidenca egjiptiane në një përpjekje për të bashkuar qëndrimet divergjente të dy palëve.

Katari, Egjipti dhe SHBA po negociojnë një armëpushim gjatë Ramazanit në këmbim të lirimit të pengjeve izraelitë të marrë nga Hamasi në sulmin e 7 tetorit që çoi në luftën në Gazë.