A do të ketë një vaksinë për koronavirusin?

Shkencëtarët në Izrael presin të njoftojnë ditët në vazhdim përfundimin e zhvillimit të një vaksine të re për koronavirusin. Sipas mediave izraelite, shkencëtarë të Institutit të Kërkimeve Biologjike, me mbështetjen e kryeministrit të vendit, kohët e fundit kanë përparuar shumë në lidhje me mekanizmin biologjik dhe kuptimin e cilësive të këtij virusi.

Kjo përfshin aftësi më të mira për diagnoza më të mira, prodhim antibiotikësh për ata që janë prekur tashmë dhe zhvillimin e një vaksine të mundshme. Procesi i zhvillimit, gjithsesi kërkon një seri testimesh dhe eksperimentesh derisa të arrihet në përfundimin se vaksina është mjaftueshëm e sigurt për t’u përdorur dhe efektive në të njëjtën kohë. Ky proces mund të kërkojë disa muaj kohë.

Rreth 3 javë më parë, në Izrael u dërguan mostra të virusit nga Japonia, Italia dhe vende të tjera në të cilat koronavirusi është i përhapur në masë. Ekspertët besojnë se koha që do t’i duhet deri në përfundimin e plotë të një vaksine varion nga disa muaj deri në një vit, një vit e gjysmë. Para konfirmimit për përdorim, çdo vaksinë e krijuar në Izrael kalon në procese shumë strikte.