“A po toleron Europa kërcënimin për luftë?” Greqia: BE të marrë përgjegjësinë ndaj Turqisë

“Evropa duhet të përballet dhe të kuptojë përgjegjësinë e saj gjeopolitike” kështu deklaroi ministri i Jashtëm grek, Dendias në lidhje me konfliktin me Turqinë për kufirin detar duke kërkuar masa të forta dhe sanksione kundër Ankarasë.

“Ne shohim që Turqia e shekullit 21 po ndryshon rrënjësisht. Nacionalizmi po ringjallet dhe ekziston një revizionizëm i fortë dhe një islamizëm i fortë me një devijim të qartë nga vlerat perëndimore, të tilla si demokracia dhe të drejtat e njeriut.

Përballë revizionizmit turk, Bashkimi Evropian mori një vendim në Këshillin e fundit Evropian. Nëse doni pikëpamjen tonë, ne besojmë se duhet të ketë më shumë vendosmëri në vendimmarrje për Turqinë. Por ne do të vazhdojmë përpjekjen në mënyrë të qëndrueshme me durim dhe këmbëngulje.

Marrja e masave është një mesazh inkurajues për pjesën pro-evropiane dhe modernizuese të shoqërisë turke. Evropa duhet të përballet dhe të realizojë përgjegjësia e saj gjeopolitike. Ajo duhet të kuptojë përgjegjësinë e saj për sigurinë dhe stabilitetin rajonal të të gjithë qytetarëve të saj përballë kërcënimeve të jashtme.

A mund të duket se Evropa toleron kërcënimin për luftë? Unë do të doja të theksoja se në një kohë kur Evropa ka mbetur prapa, Shtetet e Bashkuara duket se kanë një kuptim më të qartë të situatës. Ata po përdorin peshën e tyre gjeopolitike kundër Turqisë” deklaroi ai.