“The Daily Beast”: Dubai, aeroporti më i ngarkuar në botë zhytet në kaos nga sulmi me dron

Aeroporti Ndërkombëtar i Dubait, më i ngarkuari në botë për udhëtimet ndërkombëtare, u zhyt në kaos pasi fluturimet u pezulluan për disa orë të hënën. Kjo ndodhi pas një sulmi me dron iranian që goditi një depozitë karburanti, duke shkaktuar një zjarr të madh. Fatmirësisht, nuk u raportuan lëndime nga zjarri i shkaktuar nga goditja me raketë.

Ky ishte sulmi i tretë i Iranit ndaj aeroportit që nga nisja e sulmeve me raketa nga SHBA-ja dhe Izraeli ndaj Teheranit më 28 shkurt. Pas masave paraprake, Aeroporti Ndërkombëtar i Dubait konfirmoi rifillimin gradual të disa fluturimeve drejt dhe nga qendra e transportit për destinacione të caktuara, pas pezullimit të tyre.

Mbyllja detyroi kompaninë ajrore Emirates Airlines të ridrejtonte disa nga fluturimet e saj drejt destinacioneve evropiane si Mançesteri, Edinburgu dhe Dublini, ndërsa fluturime të tjera u devijuan drejt aeroportit të dytë të qytetit të Emirateve të Bashkuara Arabe, Al Maktoum International. Kompani të tjera, si Air India dhe Air India Express, anuluan të gjitha fluturimet e tyre të planifikuara për në Dubai të hënën. Aeroporti ishte shënjestruar edhe më 11 mars, ditën e parë të konfliktit me Iranin, kur dy dronë ranë pranë tij.

Marrë nga The Daily Beast