Aksident në Bilisht, përplasen dy makina, një i plagosur

Një aksident ka ndodhur në aksin nacional Korçë-Bilisht në afërsi të fshatit Bitinckë. Ngjarja ndodhi mbrëmjen e sotme.

Gazetarja Lorena Kodra raporton për ‘BalkanWeb’ se në aksident janë përfshirë dy automjete, e për pasojë ka mbetur i lënduar një person, i cili po transportohet drejt spitalit të Korçës.

Fatmirësisht ai ndodhet jashtë rrezikut për jetën. Policia ndodhet në vendngjarje.