Aksidenti tragjik dhe misterioz, por Yevgeny Prigozhin varroset me një ceremoni mortore private

Kreu i grupit Wagner, Yevgeny Prigozhin është varrosur me një ceremoni private funerali në Shën Petërburg, është shprehur zyra e tij e shtypit.

Ceremonia u mbajt në një “format të mbyllur” dhe “të gjithë ata që dëshirojnë t’i thonë lamtumirë mund të shkojnë në varrezën Porokhovskoye”. Njoftimi i publikuar në “Telegram” nuk përmban detaje të tjera. Prigozhin u deklarua i vdekur nga autoritetet ruse pas analizës së ADN-së të 10 trupave të gjetur nga avioni i rrëzuar më 23 gusht.

Kremlini ka mohuar akuzat se ka gisht në aksidentin ajror. Shumë njerëz e kanë përshkruar Prigozhin si “një i vdekur që ecën” pas aksionit të armatosur që udhëhoqi në muajin Qershor.