Alarmet për bomba në 6 muajt e fundit, ministri: Hetimet na çojnë në Rusi dhe Iran

Kohët e fundit në Maqedoninë e Veriut janë dhënë shpesh herë alarme për bomba. Ministri i Brendshëm i Maqedonisë së Veriut, Oliver Spasovski, dha detaje për alarmet false për bomba që janë marrë vazhdimisht përgjatë 6 muajve të fundit.

Në një intervistë për Televizionin 24 në Shkup, ai njoftoi se adresat elektronike nga janë dërguar denoncimet false për bombë janë lokalizuar në Iran dhe Rusi.

“Kemi pasur sulm hibrid intensiv nga 19 tetori e deri më sot, ku janë përfshirë më shumë se 520 objekte me alarme false”, u shpreh Spasovski, duke shtuar se identifikimi, lokalizimi dhe arrestimi i autorëve është tepër I vështirë, pasi për pagesat janë përdorur kriptovalutat.