Ari rifiton “shkëlqimin” – Rritet me 18% në 2019, ekspertët të ndarë për ecurinë në 2020-ën

Është edhe ari midis protagonistëve të vitit 2019, që përbën një vit rekord për tregjet financiare. Metali i verdhë ka filluar të regjistruar performancën më të mirë që prej vitit 2010, duke shënuar një rritje për këtë vit, deri më tani, prej 18%. Kjo e bën një prej aseteve më fitimprurëse përgjatë 2019-ës, duke i rikthyer edhe shkëlqimin e dikurshëm. Kuotimi i arit tashmë fiksohet në mbi 1500 dollarë për onz.

Ari vlerësohet si një strehë e sigurt, një mbrojtje për investitorët, sidomos në kohë tensionesh gjeopolitike, si periudha që po kalon globi.  Marshimi i arit është me të vërtetë anomal, gjë që dobësia e dollarit e ka të mjaftueshme për ta shpjeguar, dhe që i gjen analistët të ndarë në perspektivat për vitin 2020. Ndër bankat e mëdha, disa janë pesimiste, siç është JP Morgan Chase, e cila përqendrohet në rëniet e metaleve në të ardhmen, të bindur se kushtet e ekonomisë kanë filluar të përmirësohen, falë edhe armëpushimit për tarifat SHBA-Kinë.

Në anën e kundërt, ka nga ata që mendojnë se ari ka ende arsye të mira për të vrapuar: shumë pasiguri përplasen mbi të ardhmen, mbi marrëdhëniet SHBA-Kinë, mbi modalitetet e Brexit, në rezultatet e tensioneve në rritje gjeopolitike. Ekspertët e Goldman Sachs dhe UBS besojnë se pengesa prej 1.600 dollarë do të bjerë edhe për arin në vitin 2020.