Arratiset nga burgu kreu i bandës famëkeqe, kërkohen të gjithë Amerikën

Forca policie në disa vende të Amerikës së Jugut janë vënë në kërkim të Héctor Guerrero Flores. AI është lideri i një bande venezuelase, dhe u arratis nga një burg “luksoz” që kontrollohej prej tij.

Në momentin që 11 mijë ushtarë dhe policë hynë në burgun e Tocoron, që drejtohej nga banda, Héctor Guerrero Flores nuk gjendej askund.

39 vjeçari nga Aragu kishte më shumë se 10 vite që hynte e dilte si të donte nga burgu i Tocoron, pasi kishte korruptuar rojet.

Pas ndërhyrjes së policisë, pati dhe një protestë të këtyre njerëzve të cilët deklaronin se nuk kishin se ku të shkonin.