Australi: Gruaja heroike mbijeton 5 ditë pasi humbi në pyll

Policia e Queensland në Australi ka publikuar pamjet e reja të kërkimit të tyre për një grua që humbi 5 ditë më parë në një pyll.

Yang Chen, e cila është nga Kina dhe studion në Australi, po shëtiste në Luginën Tallebudgera me një mik dhe më pas u ndanë. Shoku i saj më vonë raportoi zhdukjen e saj dhe një ekip kërkimi, përfshirë policë, zhytës dhe vendas, filluan kërkimet për gjetjen e saj, shkruan BBC.

Pas një jave kërkimesh, policia e gjeti atë ditën e hënë pranë një ujëvare dhe se ishte në gjendje të mirë shëndetësore. Gjatë këto ditëve ajo u strehua nëpër shpella dhe pinte ujë të freskët nga përrenjtë.