​BE bashkohet me OBSH: 400 milionë euro për të blerë vaksinën anti-covid

Komisioni Europian, bën me dije se do t’i japë 400 milionë euro nismës së OBSH për të blerë vaksinën anti-covid. Lajmin e ka bërë të ditur presidentja e Komisionit Europian, Ursula von der Leyen, e cila është shprehur se KE-ja po negocion blerjen e një vaksine anti-covid me disa kompani farmaceutike në emër të 27 vendeve anëtare. “Sot, Komisioni njoftoi se do të paguajë 400 milionë euro COVAX për blerjen e përbashkët të vaksinave të ardhshme, për përfitimin e vendeve me të ardhura të ulëta dhe të mesme”.