BE – Brukseli kërcënon Hungarinë dhe Poloninë me procedura ligjore për azilkërkuesit

Komisioni Evropian kërcënoi dje me fillimin e procedurave për shkelje kundër Hungarisë dhe Polonisë, nëse ato vazhdonin të refuzonin deri në qershor të presin azilkërkuesit nga Italia dhe Greqia.

“Ky është paralajmërimi i fundit”, deklaroi Dhimitris Avramopulos, eurokomisioner për Migrimin.

“Nëse nuk bëhet asgjë para se të prezantohet reporti i radhës në qershor, Komisioni nuk do të hezitojë të përdore fuqitë e tij sipas traktateve dhe të fillojë procedura për shkelje”, theksoi Avramopulos gjatë një konference për shtyp në Parlamentin Evropian në Strasburg.

Këto procedura mund të sjellin një padi në Gjykatën e Drejtësisë së BE-së dhe nëse një vend nuk i respekton vendimet e kësaj gjykate atëherë ka sanksione financiare./ /G.S/