BE pret të marrë mbi një miliardë doza deri në fund të shtatorit

Bashkimi Europian pret të marrë më shumë se 1 miliardë doza të vaksinave anti-Covid-19 deri në fund të shtatorit.

Sipas të dhënave, BE pret të marrë 413 milion doza në tremujorin e dytë të këtij viti, dhe 529 milion të tjera në periudhën korrik-shtator, pas 106 milion dozave që mori tremujorin e parë.

Më shumë  se 1 miliard doza deri në fund të shtatorit do të ishin të mjaftueshme për të imunizuar të gjithë popullsinë e BE-së prej 450 milion banorësh, në krahasim me qëllimin fillestar të BE-së për të vaksinuar të paktën 70 përqind të popullsisë së saj deri në fund të verës.