Bejrut, sot udhëheqësit botërorë do të mbajnë samitin e ndihmës

Ditën e sotme, udhëheqësit ndërkombëtarë do të zhvillojnë një takim për të diskutuar në lidhje me ndihmën , që do i japin Bejrutit, pesë ditë pas shpërthimit masiv që shkatërroi kryeqytetin libanez.

Konferenca virtuale e vendosur nga Franca dhe Kombet e Bashkuara do të fillojë në orën 2 të pasdites. Në këtë takim do të marrë pjesë edhe presidenti i Amerikës, Donald Trump.

Një deklaratë nga pallati presidencial i Francës, thotë se konferenca e së dielës “do të synojë të mobilizojë partnerët kryesorë ndërkombëtarë të Libanit dhe të organizojë dhe koordinojë mbështetjen e urgjencës nga bashkësia ndërkombëtare”.

Në konferencë do të marrin pjesë, përfaqësues nga shtetet anëtare të Bashkimit Evropian, Kina, Rusia, Egjipti, Jordan dhe Mbretëria e Bashkuar. Shpërthimi që ndodhi pasditen e 4 gushtit, la të paktën 157 njerëz të vdekur, 6,000 të plagosur dhe 300,000 të pastrehë.