Bergamo/ Kisha e varrezave më në fund pa arkivole

Italia u bë pas Kinës, vatra e kuqe e pandemisë së Covid-19. Shenjat e përmirësimit kanë nisur. “Kisha e varrezave në Bergamo. Më në fund bosh”. Kështu shkruan kryetari i Bashkisë së Bergamo Giorgio Gori në facebook. Javët e fundit kisha e varrezave, në të vërtetë, ishte e mbushur me arkivole për shkak të numrit të madh të viktimave nga koronavirusi qytet, teksa krematoriumi, në shërbim ditë e natë, nuk ishte i mjaftueshëm. Që prej asaj kohe, filloi transporti i arkivoleve, me kamionë të ushtrisë, drejt qyteteve të tjera. Kjo është shpresa për ditët e ardhshme në provincën Bergamo numri i infeksioneve dhe vdekjeve gjithashtu kanë filluar të bien.