Berlin, gjykata rrëzon shtetrrethimin kundër Covid-19

Gjykata Administrative në Berlin rrëzoi shtetrrethimin e vendosur nga Senati për shkak të pandemisë së koronavirusit. Vendimi erdhi pas një apeli të bërë nga pronarët e restoranteve.

Gjykata deklaroi se shtetrrethimi nuk ishte i nevojshëm pasi restorantet nuk kishin luajtur një rol të rëndësishëm në përhapjen e infektimeve dhe pasi kishin marrë masat e duhura higjienike. Pronarët e restoranteve ndërkohë kishin argumentuar se shtetrrethimi do të bënte që të rinjtë të takoheshin në vende pa kushtet e duhura higjienike.

Në kryeqytetin gjerman, restorantet, pabet dhe klubet e natës duhet të mbylleshin në 11 të mbrëmjes që prej së shtunës së kaluar dhe nuk mund të hapeshin para orës 6 të mëngjesit. Nga ana tjetër, pikat e karburanteve mund të qëndrojnë të hapura, por jo të shesin alkool.