Bërnabiç: Nga nesër fillon vaksinimi masiv i popullsisë në Serbi

Vaksinimi për grupin tjetër me prioritet, i cili përfshin edukatorë, anëtarë të Ministrisë së Brendshme, ushtrisë serbe dhe përfaqësuesve të mediave në Serbi, do të fillojë nesër.

“Përfaqësuesit e medias, posaçërisht punonjësit e medias që janë vazhdimisht në terren, përfshihen në grupin prioritar, me thirrjen e shoqatave të medias, por edhe me kërkesë të presidentit serb, Aleksandar Vuçiq”, tha kryeministrja e Serbisë, Ana Bërnabiç.

Kryeministrja tha se nga neser do te filloje vaksnimi masiv i popullsise serbe.

“Nga nesër, do të fillojë vaksinimi masiv i popullsisë”, tha Bërnabiç dhe u bëri apel të gjithëve që të aplikojnë në sa më shumë numra të jetë e mundur.

Siç deklaroi ajo, sa më shpejt dhe në mënyrë efikase të bëhet vaksinimi, aq më i shpejtë do të jetë kthimi në normalitet.

Ajo shprehu pritjen që gjatë vitit 2021, për sa i përket shëndetit, Serbia të jetë në gjendje të kthehet në atë që ka jetuar para pandemisë së koronavirusit.