Biden do të bëjë testin e koronavirusit pasi Trump doli pozitiv

Kandidati demokrat për  president, Joe Biden do të testohet për koronavirus.

Biden mori pjesë të martën në debatin e parë televiziv me rivalin republikan, i cili ka rezultuar pozitiv me koronavirus së bashku me bashkëshorten e tij, Melania.

Sipas zyrtarëve shëndetësorë, edhe Biden duhet të testohet menjëherë. Pavarësisht se në debat ata qëndruan më shumë se dy metra larg njëri-tjetrit, kanë qëndruar në një ambient të mbyllur dhe nuk kanë mbajtur maska.