Biden negativ ndaj Covid-19, i uron shërim të shpejtë Trumpit

Kandidati për t’u bërë president i Shteteve të Bashkuara të Amerikës, Joe Biden, ka bërë të ditur se ka rezultuar negativ në testin për Covid-19.

”Unë jam i lumtur të raportoj se Jill dhe unë kemi rezultuar negativ në testin për Covid-19. Faleminderit të gjithëve për mesazhet tuaja. Shpresoj që kjo të shërbeje si një kujtesë: mbani maskë, mani distancë dhe pastroni duart”,-shkruan Biden.

Në Twitter, ai ka thumbuar Presidentin e SHBA-ve, Donald Trump i cili kishte deklaruar muaj më parë se bartja e maskës nuk është e nevojshme por i ka uruar rivalit shëndet sa më të mirë. “Unë dhe Jill i shprehim urimet tona presidentit Trump dhe zonjës së Parë, Melania Trump, për një shërim të shpejtë”, shkoi në Twitter, Biden.