Biden Putinit: Do të takohemi vetëm nëse liron nga burgu basketbollisten amerikane

Presidenti i SHBA-ve, Joe Biden deklaroi dje se nuk ka qëllim të takohet me presidentin rus, Vladimir Putin, ne samitin e G20 që do të zhvillohet javën e ardhshme.

Biden ka një kusht për Putinin.

Presidenti amerikan tha se nëse homologu i tij shprehet i gatshëm të diskutojë lirimin e basketbollistes amerikane që është burgosur nga Rusia, do të mendojë opsionin e takimit kokë më kokë me Putinin.

“Nuk kam ndërmend ta takoj. Por nëse, për shembull, ai vjen të më takojë në samitin e G20 dhe më thotë: “Dua të diskutoj lirimin e basketbollistes së famshme amerikane Brittney Greiner, do ta takoj”, tha zoti Biden gjatë një interviste për CNN.