Bilanci italian, bie numri i tamponëve dhe rastet e reja

504 janë viktimat e bilancit italian për 24 orët e fundit. Lajmin e zyrtarizuan autoritetet shëndetësore të shtetit fqinj, që kanë kryer sot një numër më modest tamponësh se gjatë ditëve të fundit, pak më shumë se 152 mijë të tilla.

Të infektuarit e rinj janë 27354, që çojnë bilancin total në më shumë se 1 milion e 200 mijë. Shifrat mbeten alarmante, dhe disa treguesit që shqetësojnë mjekët janë gjithmonë e në rritje, si përshembull raporti testime/pozitivitete që ka shkuar në 18%.

Lajmi i mirë vjen nga të shëruarit, që janë 21554 ditën e sotme, tre herë më shumëse në bilancin e kaluar. Lombardia kryeson sërish rajonet më të goditura me 4.128 raste, por që janë gjysma e ditës së kaluar kur të infektuarit ishin më shumë se 8 mijë. Kampanja ndjek afër me 4079, më pas vjen Lacio me 2407, rajon ky që mbetet i verdhë në “semaforin” e COVID të hartuar nga qeveria italiane, pra me masa më të lehta nga rajone të tjera.