Bisedë telefonike mes Trump, Zelensky dhe Elon Musk

Miliarderi Elon Musk mori pjesë në bisedën telefonike të së mërkurës mes Presidentit të zgjedhur të SHBA-ve, Donald Trump dhe presidentit ukrainas Volodymyr Zelensky. Kjo u raportua për Axios nga dy burime të njohura me bisedën, të cilët specifikuan se Zelensky tha se ishte disi i qetësuar nga ajo që dëgjoi nga presidenti i ardhshëm i Shteteve të Bashkuara. Sipas burimeve të informuara për detajet, biseda mes Trump dhe Zelensky ka zgjatur rreth 25 minuta.

Trump ka deklaruar se luftën në Ukrainë do të mbyllë brenda 24 orës, por se si akoma nuk ka thënë gjë për publikun. Ndërkohë presidenti rus Putin vlerësoi sot fitoren e Trump. Frika e Ukrainës vjen se nuk dihet se si Trump mund ta mbyllë.  SHBA nëse ndërpret financimin dhe furnizimin Ukraina dorëzohet. Ndaj të gjithë bota janë me “veshë në krah”.

Me 20 janar 2025 e merr zyrtarisht presidencën Donald Trump.