Blinken takohet me Presidentin e Autoritetit Palestinez: “SHBA e përkushtuar për të çuar përpara një shtet palestinez që jeton në paqe”

Sekretari amerikan i Shtetit Antony Blinken është takuar me Presidentin e Autoritetit Palestinez Mahmud Abbas në Ramallah, Bregu Perëndimor, të enjten.

Kjo është vizita e dytë e diplomatit të lartë amerikan në Bregun Perëndimor që nga fillimi i luftës Izrael-Hamas dhe vjen në kohën e përshkallëzimit të dhunës së kolonëve izraelitë në territor pas sulmit të 7 tetorit ndaj Izraelit.

Më herët të enjten, Blinken u takua në Jerusalem me kryeministrin izraelit Benjamin Netanyahu dhe kabinetin e luftës, vetëm disa orë pas zgjatjes së armëpushimit me Hamasin.

Sipas një lexim të Departamentit të Shtetit të SHBA-së nga ato takime, Blinken “ripohoi mbështetjen e Shteteve të Bashkuara për të drejtën e Izraelit për t’u mbrojtur nga dhuna terroriste në përputhje me ligjin ndërkombëtar humanitar dhe i kërkoi Izraelit të marrë çdo masë të mundshme për të shmangur dëmtimin e civilëve”.

“Sekretari Blinken përsëriti se Shtetet e Bashkuara mbeten të përkushtuara ndaj hapave të prekshëm për të çuar përpara një shtet palestinez që jeton në paqe, liri dhe siguri së bashku me Izraelin”, tha zëdhënësi Matt Miller.