Boris Johnson publikon shifrat: Janë vaksinuar më shumë se 1.3 milion britanikë

Kryeministri britanik Boris Johnson ka njoftuar sot se rreth 1.3 milion njerëz janë vaksinuar tashmë kundër Covid-19.

Kryeministri ka raportuar ditën e sotme raportet e 24 orëve të fundit për luftën kundër koronavirusit. Ai u përpoq të siguronte të gjithë qytetarët britanikë se plani për vaksinimin po funksiononte mirë, ndërkohë që kërkoi të qëndronin në shtëpi.

Johnson tha se strategjia e qeverisë britanike për të dhënë sa më shumë doza të vaksinës po ecte mirë, teksa Pfizer dhe AstraZeneca po i përgjigjen të gjitha kërkesave.

Vetëm në një javë rastet e reja me Covid-19 në Britaninë e Madhe janë rritur me 70%, me 60.916 raste vetëm sot.

Johnson ka thënë se do të vaksinohen më shumë se 13 milionë britanikë deri në mes të shkurtit.