Britani, rezulton pozitiv i burgosuri i parë me COVID-19

Në Britani u konfirmua dhe i burgosuri i parë me koronavirus ditën e sotme (18 mars).

Sipas BBC, ai vuan dënimin në qytetin e Manchesterit dhe tashmë është shtruar në një spital për tu kuruar.

Gjithashtu autoritetet bëjnë me dije se asnjë i burgosur tjetër si dhe personeli nuk kanë rezultuar pozitivë.

Por gjithsesi 13 persona që kanë pasur kontakte me personin e infektuar janë vendosur në izolim si masë paraprake.

Deri më tani në Britani janë infektuar 2642 persona ndërkohë që janë regjistruar 72 viktima.

Ndërkohë 67 persona janë kuruar.