Britania drejt hapjes përfundimtare, në 19 korrik hiqen të gjitha kufizimet

Kryeministri britanik, Boris Johnson, pritet të konfirmojë faktin se në Angli duke filluar nga 19 korriku mund të hiqen të gjitha kufizimet e Covid-19. Vendosja e maskave në mënyrë vullnetare, heqja e distancës sociale dhe vendosja e kodit QR nëpër restorante pritet të jenë disa nga pikat ku do të referohet Johnson në konferencën për mediat.

Sipas tij, njerëzit tanimë duhet të mësojnë të bashkëjetojnë me Covid-in. Sipas mediave të huaja, me heqjen e këtyre masave të mbetura në Britani pritet të ketë një shtim të infeksioneve, megjithatë specialistët por ministrat shprehen se vdekjet do të kufizohen ndjeshëm si pasojë e rritjes së numrit të të vaksinuarve në vend.

Sidoqoftë, ndërsa shumë nga rregullat dhe udhëzimet e mbetura duket se do të hiqen, Kryeministri nuk pritet të adresojë vetë-izolimin, kufizimet e udhëtimit ose rregullat në shkolla.