Britania e Madhe rivendos bllokim lokal për shkak të rritjes së rasteve me koronavirus

Qeveria e Mbretërisë së Bashkuar ka konfirmuar se masat e bllokimit për të luftuar përhapjen e koronavirusit do të vazhdojnë të qëndrojnë në fuqi në Leicester, dhe masa të rrepta do të vendosen për të trajtuar numrin e rasteve që raportohen në zonë.

Pub-et dhe restorantet janë vendosur të rihapen në të gjithë vendin në 4 korrik, por të hënën në mbrëmje Sekretari i Shëndetësisë Matt Hancock njoftoi forcimin e masave në Leicester dhe zonat përreth.

Qyteti në East Midlands ka parë 866 infeksione COVID-19 të raportuara në dy javët e fundit, një e treta e totalit të tij që nga fillimi i shpërthimit.

“Nga nesër, shitja me pakicë e produkteve jo-thelbësore do të duhet të mbyllet, shkollat ​​do të mbyllen nga e enjtja, duke qëndruar e hapur për fëmijët vulnerabël dhe fëmijët e punëtorëve esencial, ashtu siç vepruan gjatë gjithë kohës,” tha Hancock para Parlamentit.

Sir Peter Soulsby, kryetari i bashkisë së Leicester, tha më herët sot se ai kishte marrë një letër nga Qeveria duke rekomanduar që kufizimet aktuale të qëndrojnë në vend për 14 ditë të tjera. Në përgjigje të tij ai u shpreh se nuk ka asnjë arsye për të zgjedhur Leicester, ekonominë tonë dhe bizneset tona”.

Hancock tha se masat e bllokimit do të “mbaheshin nën rishikim”, dhe një vlerësim do të bëhej brenda dy javësh nëse ndonjë prej masave mund të hiqet.

Mbretëria e Bashkuar është vendi më i goditur në Europë deri më tani për vdekje të konfirmuara, me një total aktual 43,659 sipas shifrave të qeverisë.(EN)