Britania miraton vaksinën Pfizer, hyn në përdorim javën e ardhshme

Britania e Madhe është bërë vendi i parë në botë që miraton vaksinën Pfizer/BioNTech për përdorim në masë kundër COVID-19.

Rregullatori britanik, MHRA, deklaroi se kjo vaksinë ofron 95% mbrojtje ndaj COVID-19 dhe se javën e ardhshme mund të futet në përdorim.

Britania e Madhe tashmë ka porositur 40 milionë doza të vaksinës, të mjaftueshme për të vaksinuar 20 milionë njerëz, me dy faza secila.

Rreth 10 milionë doza duhet të jenë në dispozicion së shpejti, ndërsa dozat e para mbërrijnë në Mbretërinë e Bashkuar në ditët në vijim.

Sekretari i Shëndetësisë Matt Hancock shkroi në Tëitter duke thënë: “NHS është gati të fillojë vaksinimin në fillim të javës tjetër “.

Por ekspertët thonë se edhe pse mund të fillojë vaksinimi, njerëzit ende duhet të qëndrojnë vigjilentë dhe të ndjekin rregullat e kundër koronavirusit për të ndaluar përhapjen.