Britania pret dyndje emigrantësh, Braverman flet për një ”stuhi”

Ministrja e Brendshme britanike, Suela Braverman flet për një stuhi emigrantësh drejt Britanisë, gjatë një fjalimi në Konferencën e Partisë Konservatore, fjalim që është cilësuar nga kundërshtarët si fjalim populist.

Për ta bërë më të fortë deklarimin e saj për stuhinë e pritshme të emigrantëve drejt ishullit, Braverman e cila vetë është fëmijë emigrantësh indian të Afrikës, tha se ”era e ndryshimit që solli prindërit e mi nga ana tjetër e globit shekullin e kaluar ishte thjeshtë një puhizë e krahasuar më stuhinë e pritshme”.

Mes të ardhurve ka edhe shqiptarë, edhe pse në numra shumë më të vegjël se vitin e kaluar. Më shumë se mbi 25 mijë emigrantë kanë ardhur deri më tani me gomone, krahasuar me 33 mijë në fillim të tetorit të vitit të kaluar.

Aplikimet u aprovohen 100 për qind të ardhurve nga Eritrea, 99 për qind të sirianeve dhe 97 për qind afganëve. Analiza tregon se rënia me 20 për qind këtë vit shpjegohet me rënien e numrit të shqiptarëve, pas marrëveshjes mes Ramës dhe Sunak.

Kur shifra totale e të ardhurve me gomone ishte 19.500 gjatë këtij viti, 660 që deklaruan kombësinë ishin shqiptarë. Edhe pse Shqipëria konsiderohet si vend i sigurt, sërish nëpër gjykatat britanike të emigracionit, shqiptarët vazhdojnë edhe sot e kësaj dite të fitojnë rastet e kërkesave për azil, në bazë të meritës së aplikimit, sidomos për moshat nën 25 vjeç.