Britanikët nuk duan t’ia dinë për koronavirusin, shijojnë jetën e natës si gjithmonë (Foto)

Një ndër arsyet e përhapjes në mënyrë të frikshme koronavirusit në Itali është komentuar se ka qenë edhe mosrespektimi i masave në ditët e para sidomos nga të rinjtë, të cilët vijuan jetën e tyre duke frekuentuar lokalet e natës.

Me sa duket të njëjtën gjë po bëjnë dhe bitanikët, të cilët vijojnë të frekuentojnë lokalet e natës, pavarësisht rrezikut nga koronavirusi. Ata vazhdojnë të bëjnë jetën e mëarshme dhe nuk duan t;ia dinë për virusin e tmerrshëm që ka pushtuar botën. Në fotot e publikuara nga media britanike shohim të rinjë që dalin në grup për të shijuar jetën e natës.

Ndërkohë, reagime të ashpra ka pasur edhe ndaj Tim Martin, drejtorit të përgjithshëm të “JD Wetherspoon”, një rrjeti pub-esh e lokalesh në Britani. Ai nuk ka pranuar të mbyllë biznesin e tij, duke thënë se mjafton që klientët të respektonin distancat dhe të uleshin në tavolina të ndara.

Ai rriti zemërimin te qytetarët pas një interviste të dhënë për “Sky Neës”, ku u shpreh se përhapja e koronavirusit është më e lehtë të ndodhë në supermarkete se sa në lokale. “Supermarketet janë të mbipopulluara me njerëz, ndërsa lokale janë më pak të populluara” – u shpreh ai. Deri tani, në Britani janë konfirmuar mbi 3200 të prekur nga koronavirusi dhe 144 të vdekur.
Britanikët nuk duan t’ia dinë për koronavirusin, vijojnë jetën e natës si gjithmonë.