Bruksel: Zelensky dhe Sandu diskutojnë anëtarësimin në BE në një moment kritik

Në Bruksel u zhvillua një ngjarje e veçantë live ku liderët e Ukrainës,  Moldavisë dhe vendeve të Ballkanit Perëndimor promovuan kandidaturat e tyre për anëtarësim në Bashkimin Evropian,  në një kontekst gjeopolitik të ndjeshëm dhe vendimtar.

Ngjarja u mbajt në ditën kur Komisionerja për Zgjerimin e BE-së, Marta Kos,  prezantoi raportin e saj vjetor për zgjerimin.

Sipas draftit të përfundimeve të raportit, Shqipëria ka arritur një moment të paprecedent në procesin e negociatave, me përgatitjet për hapjen e grupkapitujve të fundit të reformave që janë “mirë të avancuara” dhe pritet të finalizohen para fundit të vitit.

Raporti vlerëson se nëse Podgorica ruan ritmin aktual të reformave,  Mali i Zi është “në rrugë” për të përmbushur objektivin ambicioz të mbylljes së negociatave të pranueshmërisë deri në fund të vitit 2026.

Ukraina duhet të përmbysë trendet negative në luftën kundër korrupsionit dhe të përshpejtojë ritmin e reformave nëse synon të mbyllë negociatat e anëtarësimit deri në fund të vitit 2028.

Objektivi i Moldavisë për të përmbyllur negociatat deri në fund të vitit 2028 cilësohet si “ambicioz’,  por i “arritshëm”,  me kusht që reformat të intensifikohen.

Serbia duhet të intensifikojë përpjekjet për t’u harmonizuar me politikën e përbashkët të jashtme dhe të sigurisë së BE-së,  si dhe të “përmbysë urgjentisht prapambetjet” në disa fusha kyçe.

Raporti vëren se Maqedonia e Veriut “nuk ka marrë hapa vendimtarë” gjatë vitit për të avancuar në procesin e anëtarësimit.