Bullgaria mbyll shkollat, qendrat tregtare dhe restorantet

Bullgaria do të mbyllë shkollat, restorantet, qendrat tregtare dhe palestrat deri në 21 dhjetor, ndërsa përpiqet të përmbajë rritjen e rasteve me Covid-19. Kufizimet kanë për qëllim parandalimin e mbingarkesës së sistemi shëndetësor dhe ndalimin e përhapjes së infeksioneve, në vendin e Ballkanit me 7 milionë banorë.

“Zvogëlimi i kontakteve sociale ose karantina janë provuar të kenë ndikim te Covid-19. Për të lehtësuar presionin mbi spitalet që janë në prag të kapaciteteve, ne po vendosim masa për tri javë”,- tha kryeministri Bojko Borisov.

Ashtu si pjesa më e madhe e Europës Qendrore dhe Lindore, Bullgaria e kaloi valën e parë të pandemisë Covid-19 relativisht mirë në pranverë, por rastet kanë shënuar rritje në të gjithë rajonin këtë vjeshtë. Bullgaria regjistroi 4,382 infeksione të reja të nërkurën, duke e çuar numrin e përgjithshëm në 129,348.

Rreth 6,365 njerëz janë në spitale dhe rreth 400 prej tyre janë në kujdes intensiv. Spitalet janë të tensionuara, me staf të reduktuar, për shkak të infeksioneve në rritje të personelit mjekësor.

Sipas të dhënave, Bullgaria kanë qenë e treta në Bashkimin Evropian sa i përket vdekjeve nga koronavirusi për 100,000 banorë, gjatë 14 ditëve të fundit, pas Belgjikës dhe Republikës Çeke. Në total, 3,226 njerëz në Bullgari kanë vdekur nga Covid-19 këtë vit.