CDC dhe FDA rekomandojnë ndalimin e përdorimit të vaksinës Johnson & Johnson’s në SHBA pas mpiksjeve të gjakut

Qendrat Amerikane për Kontrollin dhe Parandalimin e Sëmundjeve dhe Administrata Amerikane e Ushqimit dhe Barnave po rekomandojnë që Shtetet e Bashkuara të ndërpresin përdorimin e vaksinës Johnson & Johnson Covid-19.

Kjo pasi mbi gjashtë raste të raportuara në SHBA  kanë rezultuar në një lloj “të rrallë dhe të rëndë” të mpiksjes së gjakut.

Gjashtë rastet e raportuara ishin mes më shumë se 6.8 milion doza të vaksinës Johnson & Johnson të administruara në Shtetet e Bashkuara.

Të gjashtë rastet ndodhën te gratë mes moshës 18 dhe 48 vjeç dhe simptomat ndodhën 6 deri në 13 ditë pas vaksinimit, sipas një deklarate të përbashkët të Martën nga dr. Anne Schuchat, zëvendës drejtori kryesor i CDC dhe Dr. Peter Marks, drejtor i Qendrës së FDA për Vlerësimin dhe Kërkimin e Biologjikëve.

“CDC do të mbledhë një takim të Komitetit Këshillimor për Praktikat e Imunizimit (ACIP) të Mërkurën për të shqyrtuar më tej këto raste dhe për të vlerësuar rëndësinë e tyre të mundshme,” thuhet në deklaratë.

“FDA do të rishikojë analizën pasi gjithashtu po hetohen këto raste. Derisa të përfundojë procesi, ne po rekomandojmë një pauzë në përdorimin e kësaj vaksine. Kjo është e rëndësishme, pjesërisht, për të siguruar që kujdesi shëndetësor i komunitetit është i vetëdijshëm për potencialin për këto ngjarje anësore dhe mund të planifikojë për njohjen dhe menaxhimin e duhur për shkak të trajtimit unik të kërkuar me këtë lloj mpiksjeje gjaku.”

Johnson & Johnson lëshuan një deklaratë të martën duke theksuar se kompania ka vendosur të “vonojë në mënyrë aktive përhapjen” të vaksinave të saj në Evropë.

“Ne kemi punuar ngushtë me ekspertë mjekësorë dhe autoritete shëndetësore dhe mbështesim fuqimisht komunikimin e hapur të këtij informacioni profesionistëve të kujdesit shëndetësor dhe publikut,” thuhej pjesërisht në deklaratë.