Charles Michel: Evropa duhet të përgatitet për luftë

Nëse Evropa dëshiron të ekzistojë në paqe, ajo duhet të kalojë në një mënyrë “ekonomie lufte” dhe të forcojë ndjeshëm aftësitë e mbrojtjes përballë kërcënimit të paraqitur nga Rusia, tha më 18 mars Presidenti i Këshillit Evropian Charles Michel.

Në një shkrim të botuar në disa gazeta evropiane, Michel tha se mbështetja e SHBA-së nuk mund të merret më si e mirëqenë dhe vendet e BE-së duhet të marrin përgjegjësinë për sigurinë e tyre ndërsa përballen me sfidën më të madhe të sigurisë që nga Lufta e Dytë Botërore.

“Nëse nuk marrim përgjigjen e duhur të BE-së dhe nuk i japim Ukrainës mbështetjen e mjaftueshme për të ndaluar Rusinë, ne jemi të radhës. Prandaj, ne duhet të jemi të gatshëm për mbrojtje dhe të kalojmë në një mënyrë të ‘ekonomisë së luftës’,”-tha ai.

“Rusia është një kërcënim serioz ushtarak për kontinentin tonë evropian dhe sigurinë globale. Nëse nuk marrim përgjigjen e duhur të BE-së dhe nuk i japim Ukrainës mbështetjen e mjaftueshme për të ndaluar Rusinë, ne jemi të radhës”,-shtoi ai.

“Nëse duam paqe, duhet të përgatitemi për luftë.”

Michel dënoi mungesën prej dekadash të financimit dhe investimeve në ushtritë evropiane dhe pavarësisht se kapaciteti i prodhimit ushtarak u rrit me 50% që nga fillimi i pushtimit në shkallë të plotë të Rusisë, duhej bërë shumë më tepër.

“Ndërsa ne forcojmë kapacitetin tonë të mbrojtjes, ne duhet të sigurojmë që Ukraina të marrë atë që i nevojitet në fushën e betejës”, shkroi ai, duke shtuar se “ushtarët ukrainas kanë nevojë urgjente për plumba, raketa dhe sisteme të mbrojtjes ajrore për të kontrolluar qiejt.

“Ne duhet të përdorim buxhetin evropian për të blerë pajisje ushtarake për Ukrainën dhe le të përdorim fitimet e papritura nga asetet e pamobilizuara të Rusisë për të blerë armë për Ukrainën.”