Çmendet arbitri, iu nxjerr pistoletën tifozëve
Një ngjarje e pazakontë është regjistruar gjatë një ndeshje amatore futbolli në Meksikë, ku tifozë të irrituar kaluan rrethimin dhe tentuan të hyjnë në fushën e lojës. Situata po shkonte drejt përkeqësimit dhe pikërisht në atë moment ndërhyn arbitri.
Me një qetësi natyrale, drejtuesi i garës nxjerr një pistoletë nga tutat dhe iu drejtohet tifozëve që të largohen prej aty.
Pasi arriti qëllimin dhe i ktheu tifozët në vendet e tyre, arbitri futi pistoletën në brez dhe rifilloi lojën sikur asgjë të mos kishte ndodhur.
Sipas mediave lokale arbitri quhej Gabriel Murta Barbosa Maciel dhe përveçse anëtar i Federatës së Futbollit ishte dhe polic profesionist.
Por, ky nuk është rasti i parë që gjyqtari në fjalë nxjerr armën në një ndeshje futbolli. Sipas raportimeve Gabriel Murta Barbosa Maciel e ka nxjerrë pistoletën në fushë dhe gjatë një ndeshje tjetër në vitin 2015.
