Çmendet moti/ Njerëzit dynden nëpër plazhe në Greqi. Shihni pamjet që vijnë nga Atika

Shumë njerëz kanë nxituar në plazhet e Atikës që nga mëngjesi, për një shëtitje por edhe për të notuar për shkak të motit me diell dhe temperaturave të larta që janë regjistruar.

Familjet morën fëmijët e tyre dhe biçikletat dhe dolën për të shijuar motin e mirë. Shumica e njerëzve ndjekin masat e mbrojtjes së koronavirusit, mbajnë sa më shumë distancë të jetë e mundur dhe mbajnë maskë (kur nuk zhyten në det) siç raportojnë mediat greke.

Nga ana e tyre, autoritetet e policisë, të cilët prisnin valën e daljes që është vërejtur që dje të shtunën, me gjithë bllokimin që është në fuqi, po kryejnë kontrolle intensive në rrugët e kryeqytetit, duke u kërkuar drejtuesve të mjeteve dokumentin përkatës për lëvizjen e tyre.

Sidoqoftë, vlen të përmendet se në zonat ku ka parqe të mëdha, komunat kanë marrë vendimin për të mbyllur hyrjet në përputhje me masat për të parandaluar transmetimin e koronavirusit, me rezultat që qytetarët të zgjedhin të “ikin” në plazhet e tyre afër kryesisht në ditë me mot të mirë.