Çmimi Nobel në Ekonomi për tre ekonomistë amerikanë

Çmimi Nobel në Ekonomi i jepet këtë vit ish-kryetarit të Rezervës Federale të SHBA Bernanke dhe dy ekonomistëve amerikanë, Diamond dhe Dybviç. Ata shpërblehen për kërkimet e tyre mbi bankat dhe krizat financiare.

Çmimi Nobel në Ekonomi u jepet këtë vit tre ekonomistëve amerikanë Ben Bernanke, Douglas Diamond dhe Philip Dybvig. Kjo u bë e ditur nga Akademia Mbretërore Suedeze e Shkencave në Stokholm.

Ish-kryetari i Rezervës Federale (Fed) Bernanke dhe dy ekonomistët e tjerë e marrin nderimin prestigjioz “për kërkimet e tyre mbi bankat dhe krizat financiare”, tha në konferencë Sekretari i Përgjithshëm i Akademisë Hans Ellegren.

Tre studiuesit kanë hedhur themelet e kërkimeve moderne mbi bankën, rregullimin dhe menaxhimin e krizave, tha Akademia në nderimin e shkencëtarëve. Ata treguan “pse është absolutisht e nevojshme të shmangen dështimet e bankave”.

Çmimi ofrohet nga Riksbanka suedeze

Ndryshe nga çmimet e tjera, Çmimi Nobel në Ekonomi nuk rrjedh drejtpërdrejt nga vullneti i Alfred Nobel, themeluesit të çmimit. Ai u themelua në vitin 1968 nga Banka e Suedisë në kujtim të Alfred Nobelit dhe është dhënë që nga viti 1969. Këtë vit, të gjitha çmimet Nobel janë të pajisura sërish me dhjetë milionë korona suedeze.

Vitin e kaluar, çmimi prestigjioz iu dha David Cardit, Joshua Angristit dhe Guido Imbensit, tre ekonomistë që punojnë në SHBA.

Kjo aktualisht është e barabartë me afro 914.000 euro. Çmimet Nobel ndahen tradicionalisht më 10 dhjetor, ditën kur vdiq Nobeli .

Vitin e kaluar, çmimi prestigjioz iu dha David Cardit, Joshua Angristit dhe Guido Imbensit, tre ekonomistë që punojnë në Shtetet e Bashkuara. Në përgjithësi, çmimi Nobel në Ekonomi u jepet ekonomistëve që janë nga ose bëjnë kërkime në Shtetet e Bashkuara. Deri tani, i vetmi fitues gjerman në këtë kategori ka qenë shkencëtari i Bonn-it Reinhard Selten. Ai e mori çmimin në 1994 së bashku me John Nash dhe John Harsanyi për punën e tyre pioniere në teorinë e lojërave jobashkëpunuese.DW